CRISTALLO DI BOEMIA

Cristallo di Boemia
dalle tante sfaccettature
dai mille colori
e tante sfumature
io sono.
Con la brezza leggera
suono,
se la mano giusta mi sfiora
io canto
ma cristallo non sono.

Il dolore è mio fratello gemello
non mi ucciderà.

‘A FATICA

… e che fatica aizarme ‘a matina!
Ch’avesse dato pe nun ghi’ a fatica’,
pe puterme accucciulià n’atu ppoco dinto o’ lietto
e invece no,
m’avev’ aiza’!
Po’ chianu chianu m’arrepigliave
e ‘a vita me scetava.

Tutta ‘a jurnata faticave, e po’ m’arritirave,
stanca ma cuntenta
p’ave’ fatte tutto chello ch’aveva fa’,
a’ casa mia… addò me puteva arrepusa’.

E che suddisfazione ’a fine ’o mese,
pavate chesto, chello e pure a chillo,
chello ca rummaneva , si vulevo,
m’’o putevo pure sfizzia’.
Ma soprattutto teneva ‘a dignità.

Mò facce poco, me pare ‘e i’ a vacante,
sto semp’ stanca e nun sacce che fa’.
Ma ‘a fatica ca sente è ‘a chiù pesante,
è chella ‘e suppurtà
e nun tene’ che fa’.

MIGRANTI

Partene ‘e bastimienti
pe’ terre assaje luntane
so’ bastimienti ‘e gomma
e so’ africane.

Dint’ all’uocchje speranza e paura
dint’o core è già nustalgia
pe ‘na terra cchiù bella d’o sole
pe ‘na terra sfruttate e lassate.
E chisà si sta terra m’è amica,
e chi ‘o sape si me vò comme figlio,
mamma mia già sta troppo luntana
e je me metto appaura ‘e ‘stu scuro.
Dice è ‘e notte c’avimma parti’
e chi ‘o sape si arrivamme o murimme.
‘Ncuollo a n’ate stamme tutt’ azzeccate
pe’ combattere ‘o friddo e ‘a paura,
pe’ ‘stu spazio ch’è sempe cchiù poco,
pe’ ‘sti facce sempe cchiù scure.
‘O turmiento me scorre dint’e vvene,
‘a speranza ogni tanto me lassa,
ma ‘sta luna me fa cumpagnia
è ‘na luce ca tengo dint’o core.
‘Stu mutore è ‘na musica tosta
c’accumpagna ‘e suspiri affannate
e chisà si arrivate po’ accosta
o si m’aggia mena’ dint’all’onna,
e speramme ca riesco a nata’.
Trascinanne ‘stu sacco dint’all’acqua
so’ arrivata a saglì ‘ncopp’a rena
e cu’ mè chistu sacco anco’ chine
e ricorde e ‘e tutt’a vita mia.

Libertà, libertà
‘a ‘na ‘uerra ca nun tene ragione
‘a ‘na famma can nun tene speranza
‘a ‘na vita ch’è sule turmiente.
E chisà mò che m’aggia aspetta’?

Libertà, libertà
pe’ ‘na vita stracciata e cusuta,
pe’ ‘sti suonne can un s’arrennene,
pe’ ‘stu figlio ca tengo dint’a panza
e che raggia ca tene ‘e campa’!

Libertà, libertà
pe ‘stu popolo ca nun tene niente,
ca putesse tene’ tutte cose
si sulo ce stesse giustizia,
si e denare fossere ammore
si sule ce stesse cchiù bbene.