FIGLIO

Scetate figlio mio che ‘o iuorno schiara
scetate scetate armati ‘e curaggio
‘o sole sale e scalda ‘o bosco e ‘o mare
e’ ora di partire per il viaggio

‘A via e’ longa e piena di salite
scarrupi fango temporali e inciampi
e’ il faticoso percorso della vita
stu votta-votta dura finche’ campi

Chi ti promette pane e libertà
chi ti impapocchia miti ed illusioni
chi mischia ‘e bucie ca verità
e chi s’arrobba i sogni e sti guaglioni

Ma tu cammina e va senza timore
tu tieni ‘o core e nu guerriero antico
da piccirillo sai cos’e’ o sudore
e tieni ‘e calli ‘e mane pa fatica

Quando si strutto e tieni ‘a pecundria
ce sta na funtanella ‘a na surgente
che cambia ‘e cose storte pe magia
disseta sulamente chi ‘e nucente

Chi beve l’acqua ‘e sta fonte affatata
cammina dritto e nun se stanca maie
campa ca bbona sorte ‘nzieme a llate
lontano dai pericoli e dai guai

Lucio Grasso

NATIVITA’

E’ il Santo Natale, nasce Gesù
Ma si prospettano iurnate amare.
‘a povera gente nun ci ‘a fa cchiù:
manca o lavoro, o pane e ‘e denare.

Dentro ‘o presepio tutti i personaggi
Pe’ chesta crisi dell’economia
Faticano a portare i loro omaggi
Pe Giuseppe, ‘o Bambinello e Maria.

‘A Pacchiana che veneva da ‘a campagna
C’a vesta longa ricamata a macchia ‘e culore
Portava ll’ova, ‘e pollastre e ‘e castagne
Mò porta solo ‘a menta e qualche fiore.

‘a pecorara con le pecorelle
S’accampava vicino alla grotta
E purtava ‘na bella fruscella
Chiena ‘e caciocavallo e di ricotta.

Mò ‘è pecorelle so’ mezza dozzina
Un po’ pe’ tassa, un po’ pe’ la diossina
Ma nella notte santa e sotto ‘a luna tonna
Porta nu poco ‘e latte a la Madonna.

‘o Zampognaro che vene da Avellino
Pa ninna nanna al ninno “ullero ullero”
Sta senza mezzi, senza la benzina
A Betlemme mo’ ha da i a pere.

‘o Falegname che manea la sega
Non tene ordinativi, risorse ed idee,
mo’ chiude la baracca e ‘sta putega
non po’ fa’ concorrenza con l’Ikea.

‘o Pescatore portava ‘na spasella
per riverire la sacra famiglia:
murene, purpi, dentici e triglie.
Mo’ porta ‘na vrancata ‘e maruzzelle.

Ma la speranza viene dall’Oriente
Ca ‘a veste ‘e seta, ricamato argento
Portano ‘a mirra cu l’incienso e l’oro
E la certezza e la fede in funno a ‘o core.

‘n coppo ‘e cammelli arrivano i Re Magi
Li guida una stella cometa: Shri Mataji.

La vergine Maria co’ ‘o Ninno ‘mbraccio
Pe’ tanto amore e tanta umanità
Di lacrime si bagna tutta ‘a faccia
E dolcemente lei vuole ricambià.

“Questo regalo è il frutto del Divino
Viene dal Cielo questo grande dono.
Lo ha svelato questo mio Bambino:
E’ il trascendente sentimento del Perdono”.

Lucio

E’ penzieri

A capa mia e’comme na lucanna
aperta senza sosta notte e ghiuorno
songo e pensieri ca veneno e vanno
chiu’ e caccio e chiu’me stanno attorno

O’primmo vene e dice “tengo un dolore
che me fa sbaria’a notte e o ghiuorno
sarà na cosa e niente sarà ò core
e me spertosa a capa stu taluorno

Se impizza nato e dice ”ci sta scritto
che mo succede nato ventinove
s’e’sprufunnata a borza di wall steet
ncoppo o’bagnato mo grandine e chiove

Nato me vene pò paese mio
che tutto ò munno ò sape pa bellezza
e penzo e penzo ca stu bene è dio
mo vene cummigliato da munnezza

Po penzo a’chisto esercito e guaglioni
senza nu lume che rischiara a via
a chi s’arrobba i sogni ed i milioni
e me faccio piglia’ da pecundria

Isso te sfrugulea ti incensa e inganna
te gonfia l’ego comme o’viento a vela
e tu te siente comme nu Sesanne
per quattro inguacchi fatti into a na tela

Mo aggio deciso sta lucanna a’nzerro
voglio campà cuntento nziemme a late
senza stu votta-votta e chesta guerra
e stu ciu’ ciu’ ciu’che m’a’scucciato

Mo sto assettato nfaccio o’ mare, senza nu pensiero
l’anima mia se perde e se ritrova
dinto a sta mattinata e primavera
sento a’ bellezza e’ chesta vita nova.

Lucio